អបអរសាទរខួប ១៥ ឆ្នាំ នៃការធ្វើឱ្យកម្ពុជាបៃតង៖ ក្រុមហ៊ុន អង្គរហ្គ្រីន។ថ្ងៃនេះ យើងខ្ញុំមានមោទនភាពយ៉ាងខ្លាំងក្នុងការចូលរួមអបអរសាទរ ខួប ១៥ ឆ្នាំ របស់ដៃគូរបស់យើង គឺ ក្រុមហ៊ុន អង្គរហ្គ្រីន អ៊ីនវេសម៉ិន អេន ឌីវែឡុបម៉ិន (AGID)!
អស់រយៈពេលជាងមួយទសវត្សរ៍មកនេះ ក្រុមហ៊ុន អង្គរហ្គ្រីន បានស្ថិតនៅឈានមុខគេក្នុងការបង្កើតថ្មីផ្នែកកសិកម្ម និងបានឈានទៅមុខជាមួយនឹងចក្ខុវិស័យយ៉ាងច្បាស់លាស់។ ក្នុងនាមជាដៃគូសំខាន់ក្នុងការដឹកនាំកំណើនបៃតង អង្គរហ្គ្រីន បានផ្លាស់ប្តូរជីវភាពរស់នៅរបស់សហគមន៍ ដោយផ្តល់នូវជម្រើសមុខរបរកសិកម្មប្រកបដោយចីរភាពជំនួសឱ្យការនេសាទ។
កិច្ចសហការរវាង អង្គការ Action Education និង ក្រុមហ៊ុន អង្គរហ្គ្រីន ក្នុងការលើកកម្ពស់កសិករ៖ ជំនាញបច្ចេកទេសដ៏ប៉ិនប្រសប់៖ បានផ្តល់វគ្គបណ្តុះបណ្តាលបច្ចេកទេសយ៉ាងស៊ីជម្រៅដល់ យុវជន ៣២៧ នាក់ ព្រមទាំង កសិករ ២៧៦ នាក់ លើបច្ចេកទេសកសិកម្មទំនើប ដែលមានភាពស៊ាំនឹងការប្រែប្រួលអាកាសធាតុ។ 
យើងបានជួយអាជីវកម្មលក់រាយកសិកម្មក្នុងស្រុកឱ្យពង្រីកទំហំអាជីវកម្មរបស់ពួកគេបានពី ១០ ទៅ ១៥ ដង ដោយបង្កើតចំណូលប្រចាំខែដ៏ថេរ និងខ្ពស់ជាងប្រាក់ខែជាមធ្យមនៅក្នុងតំបន់។
ធានាធានភាពរុងរឿងដល់គ្រួសារ៖ កិច្ចអន្តរាគមន៍នេះ បានជួយឱ្យយុវជនក្នុងស្រុកដែលមានការប្តេជ្ញាចិត្តខ្ពស់ ទទួលបានប្រាក់ចំណេញសុទ្ធក្នុងគ្រួសារយ៉ាងប្រាកដប្រជាពី ៨,០០០ ទៅ ៩,០០០ ដុល្លារក្នុងមួយឆ្នាំ ដែលធ្វើឱ្យឪពុកម្តាយមានលទ្ធភាពបញ្ជូនកូនៗឱ្យបន្តការសិក្សាបានវែងឆ្ងាយ។ 
សូមថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុន អង្គរហ្គ្រីន សម្រាប់កិច្ចខិតខំប្រឹងប្រែង និងការប្តេជ្ញាចិត្តយ៉ាងមុតមាំអស់រយៈពេល ១៥ ឆ្នាំមកនេះ ចំពោះកសិករខ្មែរ ហើយបានក្លាយជាសសរទ្រទ្រង់យ៉ាងសំខាន់នៃបេសកកម្មរបស់ អង្គការ Action Education!
ប្រភពអង្គការ Action Education
