រដ្ឋមន្ត្រីការបរទេសប្រទេសណេប៉ាល់ លោក Shesir Khanal បានថ្លែងថា ប្រទេសរបស់លោកកំពុងស្ថិតក្នុងស្ថានភាព “ប្រុងប្រយ័ត្នខ្ពស់” ដោយត្រៀមចំពោះហានិភ័យនៃទឹកជំនន់បន្ថែមទៀត ខណៈដែលតំបន់ព្រំដែននៅជួរភ្នំហិម៉ាឡៃ បានរងផលប៉ះពាល់យ៉ាងធ្ងន់ធ្ងរនោះ បានប្រែទៅជាតំបន់ “វាលភក់”។មន្ត្រីពាក់ព័ន្ធនានានៅក្នុងស្រុកបានប្រកាសឱ្យដឹងជាផ្លូវការណ៍ថាមានមនុស្សជាង 600នាក់បានស្លាប់ និងយ៉ាងហោចណាស់ 2.426នាក់ទៀតកំពុងបាត់ខ្លួន បន្ទាប់ពីមានគ្រោះទឹកជំនន់ភ្លាមៗដ៏ធ្ងន់ធ្ងរមួយបានកើតឡើងនៅតំបន់ព្រំដែននេប៉ាល់-ទីបេ(ប្រទេសចិន) កាលពីថ្ងៃពុធកន្លងទៅ។
អ្នកយកព័ត៌មានប្រចាំនៅតំបន់ Trishuli រាយការណ៍ថា ក្រុមសង្គ្រោះបន្ទាន់កំពុងព្រមានថា ភ្លៀងធ្លាក់កំពុងបង្កការលំបាកក្នុងការធ្វើដំណើរទៅកាន់តំបន់មួយចំនួនដែលរងផលប៉ះពាល់ខ្លាំងបំផុត។ក្រុមគ្រួសាររបស់អ្នកដែលកំពុងបាត់ខ្លួន រួមទាំងជនបរទេសរាប់រយនាក់ផងដែរនោះ កំពុងរង់ចាំដំណឹងអំពីស្ថានភាព និងទីតាំងរបស់មនុស្សជាទីស្រឡាញ់របស់ពួកគេយ៉ាងក្រៀមក្រំនិងដោយក្តីបារម្មណ៍បំផុត។
ក្នុងនោះផងដែរស្ត្រីវ័យ 97ឆ្នាំម្នាក់ត្រូវបានជួយសង្គ្រោះចេញពីគំនរបាក់បែកនៃមជ្ឈមណ្ឌលថែទាំមនុស្សចាស់មួយកន្លែង ដោយសាច់ញាតិរបស់គាត់បានប្រាប់ BBC ថា គាត់មើលទៅហាក់ដូចជា “អ្នកចម្បាំង” ម្នាក់។យើងកំពុងពឹងផ្អែកលើសេចក្តីរាយការណ៍ពីប្រព័ន្ធផ្សព្វផ្សាយរដ្ឋរបស់ចិន អំពីស្ថានភាពនៅក្នុងតំបន់ទីបេ ហើយអ្នកយកព័ត៌មានប្រចាំប្រទេសចិនរបស់យើងនឹងពន្យល់ពីមូលហេតុនៃរឿងនេះ។ 
ប្រភព:BBC
វីដេអូ:
