ក្លឹប Bournemouth បានបដិសេធសំណើតម្លៃ 64 លានផោនពីសំណាក់ក្លឹប Chelsea សម្រាប់ការចរចារចុះហត្ថលេខានាំយកខ្សែបម្រើ Alex Scottមករួមក្រុម ។សម្រាប់ក្លឹប Bournemouth បានបញ្ជាក់យ៉ាងច្បាស់ទៅកាន់ Chelsea ថា ពួកគេមិនស្វាគមន៍រាល់ការប៉ុនប៉ងទាក់ទងទិញយកកីឡាកររូបនេះបន្ថែមទៀតទេ ហើយពួកគេមានបំណងរក្សាកីឡាករឆ្នើមរូបនេះទុក ក្រោយលក់កីឡាករល្អៗមួយចំនួនចេញ ព្រមទាំងការចាកចេញរបស់គ្រូបង្វឹក Andoni Iraola ទៅកាន់គូប្រជែង EPL គឺ Liverpool។គួររំលឹកថា Chelsea ក្រោមការដឹកនាំរបស់គ្រូបង្វឹកថ្មី Xabi Alonso ក្លឹបទើបតែបញ្ចប់ការផ្ទេរយកកីឡាករខ្សែបម្រើស្លាប Morgan Roger ពី Aston Villa ក្នុងតម្លៃកំនត់ត្រា 117 លានផោន។
ទោះជាយ៉ាងណាក៏ដោយ ស្ថានភាពនេះនៅតែមានភាពស្មុគស្មាញសម្រាប់ក្លឹប ដោយសារកីឡាករជម្រើសជាតិអង់គ្លេសឈុតអាយុក្រោម 21 ឆ្នាំរូបនេះ បានបដិសេធមិនចុះហត្ថលេខាលើកិច្ចសន្យាថ្មី ដែលត្រូវបានដាក់ជូនគាត់ពិចារណារយៈពេលយ៉ាងហោចណាស់ 2 ខែមកហើយ។ក្នុងនោះមានក្លឹប Arsenal, Manchester United, Tottenham និង Manchester City ក៏ធ្លាប់បានបង្ហាញចំណាប់អារម្មណ៍លើ Scott ផងដែរនៅដើមរដូវកាលដោះដូរកីឡាករនេះ។ 
គេហទំព័រ BBC Sport បានចុះផ្សាយកាលពីខែមិថុនាថា សំណើរបស់ Arsenal ក្នុងការទិញយក Scott ត្រូវបាន Bournemouth បដិសេធ។កីឡាករវ័យ 22 ឆ្នាំរូបនេះ ដែលបានផ្លាស់ពី Bristol City មកកាន់ Bournemouth កាលពីឆ្នាំ ២០២៣ ក្នុងតម្លៃ ២៥ លានផោន នៅសល់រយៈពេល 2 ឆ្នាំទៀតលើកិច្ចសន្យាបច្ចុប្បន្នរបស់គាត់។
ប្រភព:BBC
វីដេអូ:
