Wayne Rooney វីរបុរសក្រុមបិសាចក្រហម Man.Utd បានបង្ហាញការចាប់អារម្មណ៍ខ្លាំងលើទម្រង់លេងរបស់យុវជន Jude Bellingham ពេលលេងទល់នឹងម្ចាស់ផ្ទះម៉ិកស៊ិក ខណៈយុវជនក្លឹប Real Madrid វ័យ 23ឆ្នាំបានស៊ុតបញ្ចូលទី 2គ្រាប់ទោះបីជានៅសល់គ្នាលេងតែ10នាក់ ខណៈអង់គ្លេសបានផ្តួលក្រុមម៉ិកសិកដោយលទ្ធផល 3ទល់និង2។
Rooney បានប្រៀបធៀបសមត្ថភាព Bellinghamរំលឹកដល់ទម្រង់លេងរបស់អតីតខ្សែបម្រើឆ្នើមធ្លាប់បានបង្ហាញទម្រង់លេងល្អនៅក្របខណ្ឌ Champions League មានវីរបុរសLiverpool គឺ Steven Gerrard និងវីរបុរសMan.Utd កីឡាករ Roy Keane។លោក Rooney បានធ្វើការប្រៀបធៀបថា Bellingham ធ្វើបានល្អប្រៀបបីដូច Gerrard ធ្លាប់ជួយ Liverpool ក្នុងវគ្គផ្តាច់ព្រ័ត្រ Champions League ឆ្នាំ 2005 ទល់នឹង AC Milan និង Roy Keane ធ្លាប់ជួយ Man.Utd ផ្តួល Juventus ដើម្បីអោយ Man. United ឡើងដល់វគ្គផ្តាច់ព្រ័ត្រ European Cup ឆ្នាំ 1999។
ជ័យជម្នះដ៏លំបាកនេះ បានជួយអោយអង់គ្លេសត្រៀមជួបជើងខ្លាំងន័រវេវគ្គ 8 ក្រុម ក្រោយទម្លាក់ប្រេស៊ីល ខណៈដែលអង់គ្លេសកំពុងស្វែងរកពានរង្វាន់ធំដំបូងរបស់ពួកគេចាប់តាំងពីឈ្នះការប្រកួត World Cup លើកទី1នៅឆ្នាំ 1966។ 
យ៉ាងណាមិញ Belling ទើបតែជួយអង់គ្លេសផ្តួលក្រុមន័រវេ ដោយលទ្ធផល 2:1 ដើម្បីកក់កៅអីវគ្គពាក់កណ្តាលផ្តាច់ព្រ័ត្រត្រៀមជួបអាហ្សង់ទីន នៅថ្ងៃពុធនាទីក្រុងAtalanta ផងដែរ។
ប្រភព:BBC
វីដេអូ:
