ក្មេងទំនើងចូលច្រៀង KTV អស់លុយ បែកគំនិតចេញប្លន់ ប៉ះចំម៉ូតូប៉ូលីស
ថ្ងៃទី៣១.០៥.២០២៦ វេលាម៉ោង ២.០០នាទីរំលងអាធាត្រ ចំណុចផ្លូវ១៤៥ ស្ថិតក្នុងភូមិត្រពាំងខ្យង ឃុំទួលអំពិល ស្រុកបសេដ្ឋ ខេត្តកំពង់ស្ពឺ ។
+មានជនសង្ស័យ០២នាក់ ជិះម៉ូតូ០១គ្រឿងម៉ាកហុងដា C125 ពណ៌ខ្មៅសេរីឆ្នាំ២០២៥ ស្លាកលេខ តាកែវ 1AE 1885 ជិះចេញKTV យីហ៊ោ បុផ្ផាលាក់ខ្លួន គីឡូម៉ែត្រ៥២-៥៣ ដោយយកថង់ចងបិតបាំងស្លាកលេខម៉ូតូរបស់ខ្លួន និងកាន់មានដុំថ្មចំនួន០២ដុំ ដល់ចំណុចកើតហេតុ បានធ្វើ សកម្មភាពជិះត្រឡប់បកក្រោយតាមជនរងគ្រោះ
ឈ្មោះ ហ៊ុន រស្មី ភេទប្រុស អាយុ២៨ឆ្នាំ(ជាសមត្ថកិច្ចមន្ត្រីប៉ុស្តិ៍ទួលអំពិល) កំពុងជិះល្បាត គោលបំណងធ្វើសកម្មភាពគប់ប្លន់យកម៉ូតូដោយឃើញឯកសណ្ឋានអាវយឺតប៉ូលីស ក្រុមជនសង្ស័យជិះម៉ូតូគេចខ្លួន តែត្រូវសមត្ថកិច្ចយើងធ្វើការស្ទាក់ឃាត់ខ្លួនបាន០២នាក់ រួមវត្ថុតាងម៉ូតូ០១គ្រឿង និងដុំថ្ម០២ដុំ 
១-ឈ្មោះ សន រដ្ឋា ភេទប្រុស អាយុ២០ឆ្នាំ រស់នៅភូមិស្វាយទង ឃុំខ្វាវ ស្រុកសំរោង ខេត្តតាកែវ
២-ឈ្មោះ នាង សំអាត ភេទប្រុស អាយុ២០ឆ្នាំ រស់នៅភូមិព្រៃកេស ឃុំព្រៃវិហារ ស្រុកគងពិសី ខេត្តកំពង់ស្ពឺ
យកមកសួរនាំនៅអធិការដ្ឋានស្រុកបសេដ្ឋ។
+តាមចម្លើយសារភាពរបស់ជនសង្ស័យថាពួកខ្លួនពិតជាបានយកថង់ចងបិតស្លាកម៉ូតូ និងមានដុំថ្មគោលបំណង ធ្វើសកម្មភាពប្លន់យកម៉ូតូប្រាកដមែន ។
ប្រភព:គងពិសីព័ត៌មានទាន់ហេតុការណ៏
