ក្លឹប Nottingham Forest បានព្រមព្រៀងលើតម្លៃខ្លួនផ្ទេរដែលខ្ពស់បំផុតមិនធ្លាប់មានក្នុងប្រវត្តិសាស្ត្រក្លឹបគឺប្រមាណជា 50 លានផោន ដើម្បីនាំយកខ្សែប្រយុទ្ធអង់គ្លេស Liam Delap មកចូលរួមក្រុម។កីឡាករវ័យ 23 ឆ្នាំរូបនេះត្រូវបានគេរំពឹងថានឹងឆ្លងកាត់ការត្រួតពិនិត្យសុខភាព និងចុះហត្ថលេខាលើកិច្ចសន្យារយៈពេលវែងនៅកីឡដ្ឋាន City Ground ក្នុងសប្តាហ៍នេះ។
ការចាកចេញរបស់ Delap កើតឡើងមួយឆ្នាំប៉ុណ្ណោះបន្ទាប់ពីគាត់បានចូលរួមជាមួយ Chelsea ពីក្លឹប Ipswich Town ក្នុងតម្លៃ 30 លានផោន ។ទោះយ៉ាងណា Chelsea បានសម្រេចដាក់លក់គាត់នៅរដូវក្តៅនេះ បន្ទាប់ពីគាត់រកបានគ្រាប់បាល់តែមួយគ្រាប់ប៉ុណ្ណោះក្នុងក្របខ័ណ្ឌ Premier League កាលពីរដូវកាលមុន ដែលរងផលប៉ះពាល់ដោយសារបញ្ហារបួសស្មា និងសាច់ដុំភ្លៅខាងក្រោយ (hamstring)។
កន្លងមក Forest បានចុះហត្ថលេខានាំយកខ្សែការពារ Ousmane Diomande ពីក្លឹប Sporting ក្នុងតម្លៃ ៣៤ លានផោន រួមជាមួយនឹងកីឡាករដែលគ្មានកិច្ចសន្យា (free agents) គឺខ្សែបម្រើជនជាតិអូទ្រីស Xaver Schlager និងអ្នកចាំទី Steve Benda។
ប្រភព:BBC
